ફ્લાઈટમાં બોમ્બની ધમકીથી મુસાફરોમાં ફફડાટ: દિલ્હીથી બનારસ જતી ઈન્ડિગોની ફ્લાઈટમાં બોમ્બ મુક્યો હોવાની માહિતીથી પેસેન્જર્સ ગભરાયા, કેટલાક મુસાફરોએ કરી બૂમાબૂમ
- 28 May, 2024
દિલ્હીથી બનારસ જઈ રહેલી ઇન્ડિગો ફ્લાઈટમાં બોમ્બ હોવાની માહિતી મળતાં મુસાફરો ગભરાયા હતા. ઇન્ડિગો ફ્લાઈટ આજે સવારે દિલ્હીથી બનારસ માટે ટેકઓફ કરવાની હતી. આ દરમિયાન ફ્લાઈટમાં બોમ્બ અંગેની માહિતી મળી હતી. તે પછી તરત જ વિમાનનું ઇમરજન્સી ઇવેક્યુએશન કરાવવામાં આવ્યું હતું. આ પછી ફ્લાઈટમાંથી મુસાફરોને તાત્કાલિક ધોરણે ફ્લાઈટમાંથી ઉતરાવામાં આવ્યા હતા. એક વીડિયો સામે આવ્યો છે જેમાં જોવા મળી રહ્યું છે કે પેસેન્જરોને ઈમરજન્સી ગેટમાંથી બહાર કાઢવામાં આવી રહ્યા છે. આ દરમિયાન ઘણા મુસાફરો કૂદતા પણ જોવા મળ્યા હતા.
ફ્લાઈટમાં બોમ્બ હોવાના સમાચાર મળતા જ મુસાફરો અને ક્રૂ મેમ્બર્સમાં ગભરાટ ફેલાઈ ગયો. આ લોકો એરપોર્ટ પર જ પ્લેનના ઇમરજન્સી એક્ઝિટમાંથી કૂદીને ભાગવા લાગ્યા. વિમાનમાં બોમ્બ હોવાની માહિતી મળ્યા બાદ, ફ્લાઈટને એક અલગ જગ્યાએ લઈ જવામાં આવી હતી, જ્યાં તમામ મુસાફરોને ઇમરજન્સી એક્ઝિટ કરાવવામાં આવી.
ઇન્ડિગો ફ્લાઈટમાં બોમ્બ હોવાની માહિતી મળતા જ એવિએશન સિક્યુરિટી અને બોમ્બ ડિસ્પોઝલ ટીમ તાત્કાલિક ઘટનાસ્થળે પહોંચી ગઈ. આ સિવાય CISFની 5 ટીમ પણ સ્થળ પર હાજર છે. દિલ્હી ફાયર સર્વિસે જણાવ્યું કે આજે સવારે 5:35 વાગ્યે દિલ્હીથી વારાણસી જઈ રહેલી ફ્લાઇટમાં બોમ્બ હોવાની માહિતી મળી. તમામ મુસાફરોને ઇમરજન્સી ગેટમાંથી બહાર કાઢવામાં આવ્યા. તમામ મુસાફરો સુરક્ષિત છે. ફ્લાઇટની તપાસ કરવામાં આવી રહી છે.
દિલ્હીથી વારાણસી જઈ રહેલી ઈન્ડિગોની ફ્લાઈટમાં બોમ્બ હોવાની ધમકી મળતા અફરા તફરી મચી ગઈ છે. આ પછી ફ્લાઈટમાંથી મુસાફરોને તાત્કાલિક ધોરણે ફ્લાઈટમાંથી ઉતરાવામાં આવ્યા હતા. એક વીડિયો સામે આવ્યો છે જેમાં જોવા મળી રહ્યું છે કે પેસેન્જરોને ઈમરજન્સી ગેટમાંથી બહાર કાઢવામાં આવી રહ્યા છે. આ દરમિયાન ઘણા મુસાફરો કૂદતા પણ જોવા મળ્યા હતા. બોમ્બ હોવાની ધમકીને કારણે દિલ્હી એરપોર્ટ પર ભયનો માહોલ સર્જાયો હતો. જોકે, અધિકારીઓ ઘટનાસ્થળે પહોંચી ગયા છે અને તપાસ ચાલુ છે.